10مارچ کو رمضان کے چاند کی پیدائش کا امکان ہے، چیف میٹرولوجسٹ
محکمہ موسمیات نے ملک بھر میں رمضان المبارک کا پہلے عشرےمیں موسم سرد اور خوش گوار رہنے کی نوید سنا دی۔
ترجمان محکمہ موسمیات کے مطابق رمضان کے پہلے عشرے میں موسم سرد اور خوشگواررہے گا، 10 مارچ کو چاند کی پیدائش کا امکان ہے۔ سندھ اور پنجاب میں رمضان المبارک کا چاند نظر آنے کے قوی امکانات ہیں۔
دوسری جانب بلوچستان میں بارشوں کے نئے اسپیل کی پیش گوئی کردی گئی ہے۔ گوادر سمیت بلوچستان کے 16 اضلاع متاثر ہونے کا امکان ہے۔ شمال مغربی اور جنوبی بلوچستان میں گرج چمک کے ساتھ بارش اور برفباری ہوسکتی ہے۔ حکام نے الرٹ جاری کردیا۔
خضدار۔ چاغی۔ دالبندین۔ خاران اور گوادر میں بارش متوقع ہے۔ خطہ پوٹھوہار۔ اسلام آباد۔ بالائی کے پی۔ گلگت بلتستان میں بھی بارش اور برفباری ہوسکتی ہے۔ گوادر کے متعدد علاقوں میں اب بھی بارش کا پانی موجود ہے جس سے بیماریاں پھیلنے کا خدشہ ہے۔
