موبائل کمپنی ویوو نے  بہترین کیمرہ فون متعارف کروادیا

کمپنی نے بہترین کیمرے والا فون متعارف کروایا جسے معیاری فون قرار دیا جارہاہے۔

اسمارٹ فون بنانے والی کمپنی ویوو نے اپنا نیا سیٹ  ‘وی 30’ متعارف کروایا جسے ایک معیاری فون قرار دیا جارہاہے۔ اس فون کو بہترین کیمرہ فون بھی کہا جاسکتا ہے ۔

اسکے بیک اور فرنٹ پر50 میگا پکسل کے کیمرے دیے گئے ہیں۔ جب کہ موبائل فون میں فنگر پرنٹ سینسر سمیت دیگر سیکیورٹی فیچرز بھی دیے گئے ہیں۔

جبکہ اسکو 78-6 انچ اسکرین اور اینڈرائیڈ 14 کے آپریٹنگ سسٹم جب کہ اسنیپ ڈریگن کی چپ کے ساتھ متعارف کرایا گیا ہے۔

 موبائل فون کو 8 اور 12 جی بی ریم جب کہ 128 اور 256 جی بی میموری کے ماڈیولز میں پیش کیا گیا ہے۔

ویوو وی 30 کے بیک پر دو کیمرے دیے گئے ہیں۔ جس میں سے مین کیمرا 50 جب کہ دوسرا بھی 50 میگا پکسل کا کیمرا دیا گیا ہے۔

اسی طرح فرنٹ پر 50 میگا پکسل سیلفی کیمرا ڈوئل فلیشز کے ساتھ دیا گیا ہے۔ کمپنی کا دعویٰ ہے کہ کیمرا ٹیکنالوجی کو اپگریڈ کرکے ان میں نئے فیچرز بھی دیے گئے ہیں۔

فون میں 5 ہزار ایم اے ایچ کی بیٹری کو 80 واٹ چارجر کے ساتھ متعارف کرایا گیا ہے۔

فون کو دو ماڈلز 8جی بی ریم اور 128 جی میموری اور 12جی بی ریم اور 256جی بی میموری کے ساتھ تیار کیا گیا ہے۔

یہ بھی پڑھیں: سوشل میڈیا ایپس انسٹا گرام اور تھریڈز نے سیاسی مواد دکھانا بندکردیا

یہ فون بیک وقت پاکستان، بھارت، ملائیشیا، متحدہ عرب امارات (یو اے ای) سمیت دیگر ممالک میں دستیاب ہوگا۔ تمام ممالک میں اس کی قیمت مختلف رکھی گئی ہے۔

کمپنی نے فون کی قیمت کا اعلان نہیں کیا، تاہم خیال ظاہر کیا جا رہا ہے کہ فون کی قیمت 90 ہزار روپے سے شروع ہوکر ایک لاکھ 30 ہزار روپے تک ہو سکتی ہے۔