واٹس ایپ معروف ہونے کی وجہ سے واٹس ایپ انتظامیہ پرائیویسی فیچرز بناتی رہتی ہے
سوشل میسجنگ ایپ واٹس ایپ نے اپنی ایپ کو اپڈیٹ کرتے ہوئے نیا فیچر متعارف کروایا ہے ۔ اس نئے فیچر میں واٹس ایپ صارفین اب نامعلوم کال کرنے والوں کو ’Silence ‘ کرسکتے ہیں۔
ایکس پر واٹس ایپ کے آفیشل اکاؤنٹ سے صارفین کو اس تازہ ترین اپ ڈیٹ سے آگاہ کیا گیا ہے، اس میں صارفین کو نامعلوم کالز سے پیچھا چھڑانے کا طریقہ کار بھی بتایا گیا ہے۔
میڈیا رپورٹ میں بتایا گیا ہے کہ اس فیچر کو ان ایبل کرنے کے بعد جب بھی کسی نامعلوم نمبر سے آپ کو کال کی جائے گی تو رنگ ٹون سنائی نہیں دے گی۔
ایپ کے اس فیچر سے فائدہ اٹھانے کیلئے آپ سیٹنگز میں جاکر پرائیویسی پر کلک اور وہاں کالز کے آپشن میں جاکر Silence Unknown Callers کو ان ایبل کرینگے۔
تاہم یہ نیا فیچر صارفین کیلئے خاصا سود مند ثابت ہوگاکیونکہ اس فیچر سے صارفین کو بار بار نامعلوم افراد کی ایپ کالز کا جواب نہیں دینا پڑے گا۔
میسجنگ ایپ کے صارفین میں زیادہ سے زیادہ مقبول ہونے کی خاص وجہ اس ایپ کی حفاظتی خصوصیات ہیں جس کیلئے ایپ انتظامیہ آئے روز نت نئے پرائیویسی فیچر پرکام کرتی بھی نظر آتی ہے ۔