حالیہ حماس ،اسرائیل جنگ میں ہلاک اسرائیلی فوجیوں کی تعداد 608 ہوگئی
حماس کی جانب سے حملے میں اسرائیل کے 2 فوجی ہلاک ہوگئے ہیں۔ اسرائیلی حکام کی جانب سے جاری بیان میں تصدیق کی گئی کہ حملے میں 28 سالہ ماسٹر سارجنٹ یفلفی اور 37 سالہ ماسٹر سارجنٹ کارمیلی ہلاک ہوگئے۔
حماس کے مسلح ونگ القسام بریگیڈز نے کہا کہ انہوں نے وسطی غزہ کی پٹی کے المغرقا کے علاقے میں اسرائیلی فورسز پر گھات لگا کر حملہ کیا۔ اس حملے کے نیتجے میں 2 اسرائیلی فوجی ہلاک ہوگئے۔
یاد رہے کہ 7 اکتوبر کو غزہ پر اسرائیلی حملے کے آغاز کے بعد سے فوج کی کُل ہلاکتیں 608 تک پہنچ گئی ہے۔ جبکہ 27 اکتوبر کو غزہ میں اسرائیل کی زمینی کارروائی کے آغاز کے بعد سے ہلاک ہونے والے اسرائیلی فوجیوں کی تعداد 263 ہو گئی ہے۔
یہ بھی پڑھیں؛غزہ جنگ کے خلاف امریکی طلبہ کے مظاہرے جاری
دوسری جانب الجزیرہ کی جانب سے جاری کردہ اعداد و شمار کے مطابق 27 اکتوبر سے تاحال 1139 اسرائیلی ہلاک جبکہ 8730 زخمی ہوئے ہیں ۔ جبکہ 34488 فلسطینی شہید جبکہ 80 ہزار سے زائد زخمی ہوگئے ہیں۔