پاکستان انگلینڈ سیریز کے نتائج سے ہٹ کر ورلٹ کپ میں اچھا رزلٹ دیں گے
پاکستان کرکٹ ٹیم کے کپتان بابراعظم نے کہا ہے کہ پاکستان انگلینڈ سیریز میں ہارنےکا دکھ ہے۔ ہمیں انگلینڈ سے سیریز جیت کر ورلڈ کپ میں بلند حوصلوں کے ساتھ جانے کی ضرورت تھی۔ اس سیریز کے مڈل آرڈرمیں ہم نے غلطیاں کی ہیں،اچھی کرکٹ کھیلنےپرانگلینڈکوبھی کریڈٹ دیناچاہیے۔
لندن میں میچ کے بعد قومی کرکٹ ٹیم کے کپتان بابراعظم نے پریس کانفرنس کرتے ہوئے کہا کہ انگلینڈ سے سیریز ہارنےکا دکھ ہے۔ انہوں نے کہا کہ ورلڈ کپ بالکل مختلف گیم ہےاس میں بہتر نتائج دیں گے،بلاشبہ مڈل اوورزمیں بلے بازوں نےذمہ داری نہیں لی اور وکٹیں گنوائیں، یکےبعد دیگرے وکٹیں گرنےسے بڑا اسکور نہیں کرسکے،باؤلرز نےبھی اچھی باؤلنگ نہیں کی اور زیادہ رنز کھالیے۔
اعظم خان اور فخرزمان کے متعلق سوال پر انہوں نے کہا کہ ہمیں پتاہےاعظم خان،فخرزمان کس طرح کےکھلاڑی ہیں، انہوں نے مزید کہا کہ اعظم خان سمیت تمام کا انتخاب میرٹ پرہوا،شکست کے بعد سوالات اٹھتے ہیں،بلاشبہ کھلاڑیوں کو ماڈرن کرکٹ کھیلنی پڑے گی،جیت کےلئے اسٹرئیک ریٹ بھی بڑھانا ہوگا،
پی سی بی نے اسامہ میر کو این او سی جاری کرنے سے انکار کردیا
ورلڈ کپ سے متعلق سوال پر بابراعظم کا کہنا تھا کہ امریکہ کی کنڈیشنز سےواقف نہیں،ویسٹ انڈیز کی کنڈیشنز سے بخوبی آگاہ ہیں۔ تاہم انگلینڈ سیریز سے ہٹ کر ہم ورلڈکپ میں بہتر نتائج دیں گے۔
