ورلڈ کپ اسکواڈ میں شامل نہ کرنے کے بعد پی سی بی کی جانب سے اسامہ میر کو دوسرا دھچکا
پاکستان کرکٹ بورڈ نے قومی کرکٹر اسامہ میر کو این او سی دینے سے انکار کردیا۔ میڈیا رپورٹس کے مطابق مطابق اسامہ میر نے چیئر مین پی سی بی کو این او سی کے لیے درخواست کی تھی لیکن انہیں این او سی دینے سے انکار کر دیا گیا ۔ اس سے قبل اسامہ میر کو ورلڈ کپ اسکواڈ میں بھی جگہ نہیں دی گئی۔
نوجوان کرکٹر این او سی نہ ملنے پر نا خوش ہیں اور انہوں نے چیئرمین پی سی بی محسن نقوی کو میسج بھی کیا کہ چیئرمین صاحب میرا وائیٹالٹی بلاسٹ کی فرنچائز ووسٹر شائر سے معاہدہ ہوا ہے این او سی دیا جائے، میرا 70 ہزار پاونڈز کا کنٹریکٹ ہوا تھا میرا نقصان ہورہا ہے۔
پاکستان کے ٹی 20 ورلڈ کپ اسکواڈ میں کون کون شامل ہے
جبکہ دوسری جانب وہاب ریاض نے اسامہ میر سے چیئرمین پی سی بی کو پیغام بھجنے پر ناراضگی کا اظہار کیا اور کہا کہ آپ نے چیئرمین پی سی بی کو میسج کیوں کیا میرے سے بات کرتے۔ جبکہ کرکٹر نے شکوہ بھی کیا کہ کہ ڈومیسٹک اور پی ایس ایل میں اچھی پرفارمنس کے باوجود مجھے ورلڈ کپ اسکواڈ میں شامل نہیں کیا گیا
Comments 1