پاکستان کرکٹ ٹیم کے اعزاز میں آرمی چیف کا افطارعشائیہ

چئیرمین محسن نقوی کے ساتھ پاکستان کرکٹ بورڈ کے دیگر حکام بھی شریک ہوئے

آرمی چیف جنرل سید عاصم منیر کی جانب سے پاکستان کرکٹ ٹیم کے اعزاز میں افطار عشائیہ دیا گیا۔ عشائیہ میں چیئرمین پی سی بی محسن نقوی کے علاوہ کرکٹ بورڈ کے دیگر حکام بھی شریک ہوئے۔

پاک فوج کے شعبہ تعلقات عامہ ( آئی ایس پی آر ) کے مطابق آرمی چیف جنرل عاصم منیر کی جانب سے قومی کرکٹ ٹیم کے کھلاڑیوں کے اعزاز میں افطار عشائیہ کا اہتمام کیا گیا جبکہ عشائیے میں پاکستان کرکٹ بورڈ ( پی سی بی ) کے چیئرمین محسن نقوی بھی شریک ہوئے۔

اس موقع پر کرکٹرز نے کاکول میں فراہم کی گئی بہترین تربیت اور کھیلوں کے فروغ میں تعاون پر پاک فوج کا شکریہ ادا کیا۔

یہ بھی پڑھیں؛جنوبی افریقہ؛ معروف فٹبالر لیوک فلورس فائرنگ سے ہلاک

پاکستان کرکٹ ٹیم نے کاکول میں آرمی سکول آف فزیکل ٹریننگ کیمپ میں تربیت حاصل کی تھی۔ جبکہ آرمی چیف نے قومی کھلاڑیوں کیلئے مستقبل کی کوششوں میں نیک خواہشات کا اظہار کیا۔