ملٹری اکیڈمی میں پاس آؤٹ ہونے والوں میں دوست ممالک کے 49 کیڈٹس شامل تھے
پاکستان ملٹری اکیڈمی کاکول میں 149 ویں پی ایم اے لانگ کورس، 14ویں مجاہد کورس، 68 ویں انٹیگریٹڈ کورس اور 23ویں لیڈی کیڈٹ کورس کی پاسنگ آؤٹ پریڈ ہوئی۔ پاکستان ملٹری اکیڈمی (پی ایم اے) کاکول میں پاسنگ آؤٹ پریڈ ہوئی، چیئرمین جوائنٹ چیفس آف سٹاف کمیٹی جنرل ساحر شمشاد اور ترکیہ کے چیف آف جنرل اسٹاف نے کیڈیٹس میں اعزازات تقسیم کیے۔
چیئرمین جوائنٹ چیفس آف سٹاف کمیٹی جنرل ساحر شمشاد مرزا، مہمان خصوصی تھے جبکہ ترک جنرل سٹاف کے چیف جنرل متین گورک اس موقع پر گیسٹ آف آنر تھے۔ چیئرمین جوائنٹ چیفس آف سٹاف کمیٹی اور ترک چیف آف جنرل سٹاف نے ممتاز کیڈٹس کو اعزازات سے نوازا۔
ترجمان پاک فوج کے مطابق پاس آؤٹ ہونے والے کیڈٹس میں دوست ممالک کے 49 کیڈٹس بھی شامل تھے، اکیڈمی کے سینئر انڈر آفیسر محمد نعمان عبداللہ کو اعزازی شمشیر اور 149ویں پی ایم اے لانگ کورس کے کمپنی کے سینئر انڈر آفیسر محمد عبداللہ جاوید کو صدارتی گولڈ میڈل سے نوازا گیا۔
مزید یہ بھی پڑھیں؛پاکستان کرکٹ ٹیم کے اعزاز میں آرمی چیف کا افطارعشائیہ
چیئرمین جوائنٹ چیفس آف سٹاف کمیٹی اوورسیز گولڈ میڈل سعودی عرب کے سینئر انڈر آفیسر فہد بن عقیل الطوارقی الفلاج کو دیا گیا۔ آرمی چیف کی اعزازی 14ویں مجاہد کورس کے کورس انڈر آفیسر الیاس خان اور 68ویں انٹیگریٹڈ کورس کے کورس جونیئر انڈر آفیسر دانش ستار اور 23ویں لیڈی کیڈٹ کورس کے کورس انڈر آفیسر شیر بانو کو کمانڈنٹ کی چھڑی سے نوازا گیا۔