پاک بحریہ کا پی این ایس اصالت جدید ترین ہتھیاروں اور سینسروں سے لیس ہے
پاکستان؛ پاک بحریہ نے بحر ہند میں جدید ترین ہتھیاروں سینسروں سے لیس اپنا جنگی جہاز پی این ایس اصالت تعینات کردیا۔ جنگی جہاز پی این ایس اصلت ریجنل میری ٹائم سیکیورٹی کےلیے گشت پر تعینات کیا گیا۔ پی این ایس اصلت مخصوص ہیلی کاپٹر کے ساتھ پاکستانی بندر گاہوں پر آنے اور جانے والے تجارتی جہازوں کی حفاظت کو یقینی بنائے گا۔
پاک فوج کے شعبہ تعلقات عامہ آئی ایس پی آر سے جاری بیان کے مطابق پی این ایس اصلت کی تعیناتی کا مقصد بین الاقوامی جہاز رانی کی حفاظت کو بھی یقینی بنانا ہے۔ تعیناتی کے دوران پا ک بحریہ کا جہاز اپنے آپریشنز کے علاوہ دوست اور شراکت دار ممالک کے ساتھ مشترکہ آپریشنز میں بھی حصہ لے گا۔
یونان؛ پاکستانی پرچم لہرانے پر پاکستانی خاتونی صحافی گرفتار
ترجمان کے مطابق پی این ایس اصلت بحری سفارت کاری کے تحت علاقائی بندر گاہوں کا دورہ بھی کرے گا۔ یہ جہاز جدید ترین ہتھیاروں اور سینسروں سے لیس ہے، جو متعدد خطرات سے نمٹنے اور وسیع پیمانے پر میری ٹائم آپریشنز کرنے کی صلاحیت رکھتا ہے۔ پاک بحریہ کے جنگی بحری جہاز ریجنل میری ٹائم سیکیورٹی پیٹرول پر باقاعدگی سے فرائض سر انجام دیتے ہیں۔
پاک بحریہ کا پی این ایس اصالت میری ٹائم سکیورٹی کےلیے مطلوب جدید ترین ٹیکنالوجی سے لیس ہے۔ پی این ایس اصالت کی بحرہند میں تعیناتی سے پاکستان کی سمندری حدود کی حفاظت میں اضافہ ہوگا۔
