پاک فوج کے زیرتربیت لیویز اہلکاروں کا کورس مکمل

بلوچستان لیویز کے 325اہلکاروں کو کشمور میں 3 ماہ کا کورس کرایا گیا

پاک فوج کے زیر نگرانی بلوچستان کے لیویز اہلکاروں کا تربیتی کورس مکمل ہوگیا  ہے ۔لیویز فورس کا یہ کورس 3ماہ پر مشتمل تھا ۔تربیتی کور س میں 325 اہلکاروں نے حصہ لیا تھا ۔

خصوصی تربیتی کورس کا سب سے اہم جزو موجودہ حالات کے تناظر میں انسداد دہشت گردی کی ٹریننگ تھی۔ ٹریننگ میں سرچ آپریشن، کوئیک ری ایکشن فورس اور ناکہ بندی کا طریقہ کار، وی آئی پی سکیورٹی، بم ڈسپوزل، جدید مواصلات کا استعمال اور موبائل ٹریکرز شامل تھی۔

پاک فوج کے اعلیٰ تربیت یافتہ ٹرینرز نے لیویز اہلکاروں کو اعتماد، مشکل ماحول میں کام کو سنبھالنا، جسمانی فٹنس، ہتھیاروں سے نمٹنا، انسداد دہشت گردی اور نظم و ضبط کی تربیت دی۔

یہ بھی پڑھیں؛آرمی چیف جنرل عاصم منیر کی اے ایس پی شہر بانو نقوی سے ملاقات