اذلان شاہ ہاکی ٹورنامنٹ، کینیڈا کو شکست دے کر پاکستان فائنل میں پہنچ گیا

ملائیشیا میں جاری اذلان شاہ ہاکی ٹورنامنٹ میں پاکستان کا فائنل ٹاکرا جاپان کے ساتھ ہوگا

ملائیشیا میں جاری اذلان شاہ ہاکی ٹورنامنٹ میں پاکستان نے کینیڈا کو شکست دے کر فائنل میں رسائی حاصل کرلی ہے۔ پاکستان نے ملائیشیا کے شہر ایپوہ میں کینیڈا کو 4-5 سے شکست دی۔ پاکستان ایونٹ میں اب تک ناقابل شکست ہے اور 4 میچوں کے بعد 10 پوائنٹس کے ساتھ ٹیبل پر سرفہرست ہے۔

کینیڈا نے پہلے 17 منٹ میں 0-2 کی برتری حاصل کر کے پاکستان کو بیک فٹ پر ڈال دیاتھا، تاہم گرین شرٹس نے شاندار واپسی کرتے ہوئے میچ 4-5 سے جیت لیا۔ پاکستان کی جانب سے پہلے 2 گول ابوبکر محمود نے داغے جس سے قومی ٹیم کی کھیل میں واپسی ہوئی۔ اس کے علاوہ ارشد لیاقت، رانا وحید اشرف اور غضنفر علی نے بھی ایک ایک گول کیا۔

 جبکہ کینیڈا کی جانب سے شان ڈیوس نے دو دو گول داغے جبکہ ہربیر سندھو اور اوجوت بٹر نے ایک ایک اسکور کیا۔

ٹیم پر یقین ہے، ورلڈ کپ میں 100 فیصد کارکردگی دیں گے؛ بابراعظم

اس سے قبل پاکستان نے اتوار کو اپنے دوسرے ہاکی میچ میں کوریا کو یک طرفہ مقابلے میں 0-4 سے شکست دی تھی۔

جبکہ پاکستان کا اگلا میچ 10 مئی کو نیوزی لینڈ کے ساتھ ہوگا جبکہ پاکستان کا فائنل ٹاکرا جاپان کے ساتھ ہوگا۔