امریکہ میں کرکٹ ورلڈ کپ کا آغاز؛ گوگل نے ڈوڈل بنا دیا

امریکہ میں ٹی 20 کرکٹ ورلڈ کپ کل سے شروع ہوگا

امریکہ میں ٹی 20 کرکٹ ورلڈ کپ کل سے شروع ہوگا۔ کرکٹ ورلڈ کپ کا پہلا میچ امریکہ اور کینیڈا کے درمیان کھیلا جائے گا۔  کرکٹ ورلڈ کپ کے آغاز پر گوگل نے بھی اپنا ڈوڈل چینج کردیا۔ امریکہ میں شروع ہونے والے کرکٹ ورلڈ کپ میں پاکستان اور بھارت 9 جون کو آمنے سامنے ہونگے۔

پاک بھارت مقابلے کے حوالے سے نیویارک میں ہونے والے اس ایونٹ کی ٹکٹ کی لاکھوں میں فروخت ہوئی ہے۔ جبکہ اس ٹکٹ کی قیمت وی آئی پی اسٹینڈ میں 50 لاکھ روپے تک ہے۔ جبکہ نیو یارک سٹی پولیس ڈپارٹمنٹ نے بھی اس میچ کو غیر معمولی اہمیت دی ہے۔ غیر معمولی سیکیورٹی انتظامات کیے جارہے ہیں۔ امریکی حکومت کو بھی اندازہ ہے کہ جنوبی ایشیا، خلیجی ممالک، امریکا اور یورپ میں کم و بیش 2 ارب افراد اس میچ کے منتظر ہیں۔

ٹی 20 ورلڈ کپ میں پاکستانی اسکواڈ میں کون کون شامل ہیں؟

جبکہ امریکا میں مقیم پاکستانیوں اور بھارتی باشندوں میں بھی اس حوالے سے غیر معمولی جوش و خروش پایا جاتا ہے۔ میچ کے دوران اور بعد میں ناخوش گوار واقعات سے نپٹنے پر بھی توجہ دی گئی ہے۔

یاد رہے کہ امریکہ اور یورپ میں ایسے کھیل پسند نہیں کیے جاتے جن کے میچوں کا دورانیہ بہت زیادہ ہو۔ وہاں بالعموم ایک ڈیڑھ گھنٹے میں ختم ہو جانے والے مقابلے پسند کیے جاتے ہیں۔ افریقا میں بھی کرکٹ جیسے کھیل مقبول نہیں جن میں میچ کا دورانیہ بہت زیادہ ہوتا ہے۔