ٹوئٹر پربلاک شدہ صارفین بلاک کرنے والے شخص کے جوابات پڑھ سکیں گے
سماجی رابطوں کی ویب سائٹ ٹوئٹر(ایکس) نے اپنے ایکس بلاک میں بڑی تبدیلی کردی ہے۔ بعد اب بلاک شدہ صارفین بلاک کرنے والے شخص کے جوابات پڑھ سکیں گے۔ ٹوئٹر سمیت کسی بھی سوشل پلیٹ فارم پر بلاک آپشن ہوتا ہے جس کے تحت آپ کسی بھی صارف کو بلاک کرسکتے ہیں، جس کے بعد بلاک شدہ صارف کی پوسٹس نظر نہیں آتیں۔
تاہم اب نئی تبدیلی کے بعد ٹوئٹر میں بلاک کرنے والا شخص اس بلاک شخص کی پوسٹ پر جواب لکھنے کا اہل ہوتا تھا مگر اب نئے فیچر کے تحت بلاک ہونے والا شخص بھی جواب دے سکتا ہے۔
ٹیکنالوجی ویب سائٹ کے مطابق ٹوئٹر کے ماہرین نے اپنی ٹوئٹ میں بتایا کہ بلاک بٹن کے فیچرز میں تبدیلی کردی گئی، اب بلاک ہونے والا شخص بلاک کرنے والے شخص کے جواب کو پڑھنے کے قابل ہوگا۔
یعنی اگر اب کوئی بھی شخص بلاک کیے گئے صارف کی کسی بھی پوسٹ پر کوئی بھی جواب یا ریپلائی لکھے گا تو بلاک ہونے والا شخص اس جواب کو پڑھ سکے گا اور اس کا جواب بھی دے سکے گا، تاہم ابھی تک دونوں کو ایک دوسرے کی پوسٹس نظر نہیں آئیں گی لیکن دونوں کسی بھی پرانی پوسٹ میں ایک دوسرے کے لیے لکھے گئے جملے پڑھ سکتے ہیں۔
یہ بھی پڑھیں؛ٹوئٹر کا یوٹیوب طرز کی اسٹریمنگ ایپ متعارف کروانے کا اعلان
ماہرین کی رائے کے مطابق ایسا قدم اس لیے اٹھایا گیا ہے تاکہ بلاک ہونے والا صارف یہ جان سکے کہ اس کے حوالے سے دوسرا شخص کیا لکھ اور کیا سوچ رہا ہے؟
تاہم ٹوئیٹر اپنے صارفین کےلیے نیے فیچرز تلاش کرتا ہی رہتا ہے، امید کی جارہی ہے کہ ٹوئٹر میں ابھی مزید تبدیلیاں ہونگی تاہم وہ کس نوعیت کی ہونگی اس بارے کہنا قبل از وقت ہے۔