ترک لینڈ فورسز کے کمانڈر کی آرمی چیف عاصم منیر سے ملاقات

ترک لینڈ فورسز کمانڈر کی یادگار شہداء پر حاضری، دفاعی تعاون پر تبادلہ خیال ہوا

پاکستان کے آرمی چیف جنرل سید عاصم منیر سے ترک لینڈ فورسز کے کمانڈر جنرل سیلجوک بیرکتار اوغلو نے ملاقات کی۔ ترک کمانڈر نے دورہ پاکستان کے دوران جی ایچ کیو کا دورہ کیا۔ جی ایچ کیو آمد پر ترک کمانڈر نے یاد گار شہداء پر حاضری دی جبکہ معزز مہمان کو گارڈ آف آنر پیش کیا گیا۔

آئی ایس پی آر کے مطابق پاکستان کے دورے پر آئے ہوئے ترک لینڈ فورسز کے کمانڈر جنرل سیلجوک بیرکتار اوغلو نے جنرل ہیڈ کوارٹرز (جی ایچ کیو) کا دورہ کیا، جہاں آرمی چیف جنرل عاصم منیر سے ملاقات کی۔لاقات کے دوران باہمی دلچسپی کے امور اور دوطرفہ دفاعی تعاون کو مزید فروغ دینے کے امور پر تبادلہ خیال کیا گیا۔

یہ بھی پڑھیں؛سکیورٹی فورسز کا ٹانک میں آپریشن 4 دہشتگرد ہلاک

آرمی چیف اور ترک لینڈ فورسز کے کمانڈر نے دونوں ممالک کے درمیان تاریخی، ثقافتی اور مذہبی تعلق پر مبنی دیرینہ تعلقات پر اطمینان کا اظہار کیا۔ اس موقع پر آرمی چیف جنرل سید عاصم منیر نے دونوں مسلح افواج کے درمیان موجودہ فوجی تعاون کو مزید مضبوط بنانے کی ضرورت پر زور دیا۔

جی ایچ کیو آمد پر ترک کمانڈر کو گارڈ آف آنر پیش کیا گیا کہ جبکہ ترک لینڈ فورسز کے کمانڈر نے یادگار شہداء پر حاضری دی اور پھول رکھے ۔