پاکستان نے نیشنز ہاکی کپ کے سیمی فائنل تک رسائی حاصل کرلی

نیشنز ہاکی کپ میں پاکستان نے بہتر گول اوسط کی بنیاد پر سیمی فائنل میں جگہ بنائی

پاکستان نے نیشنز ہاکی کپ کے سیمی فائنل میں پہنچ گیا، پاکستان کو آخری گروپ میچ میں فرانس کے ہاتھوں شکست ہوئی لیکن زیادہ گول اسکور کرنے کی بنیاد پر قومی ٹیم نے سیمی فائنل کے لیے کوالیفائی کیا۔ قومی ہاکی ٹیم نے فرانس کے خلاف 6 کے مقابلے میں 5 گول کیے تھے تاہم زیادہ گول اسکور کی وجہ سے سیمی فائنل میں جگہ بنالی۔

پولینڈ میں ہونے والے نیشنز ہاکی کپ میں پاکستان ہاکی ٹیم کی جانب سے فرانس کے خلاف سنسنی خیز میچ کھیلتے ہوئے سے رانا عبدالوحید، ابوبکر محمود، عبدالحنان شاہد، عبدالرحمٰن اور مرتضیٰ یعقوب نے ایک، ایک گول اسکور کیا۔

اس سے قبل قومی ہاکی ٹیم نے نیشنز کپ کے دوران ملائیشیا کے خلاف میچ 4-4 گول سے برابر کیا، اور کینیڈا کے خلاف 8-1 سے ناقابل یقین کامیابی حاصل کی تھی۔ پاکستان نے مجموعی طور پر گروپ کے تین میچوں میں17 گول کیے، قور قومی ٹیم کے خلاف 11 گول ہوئے

حجاج کو گرمی سے بچانے کے لیے سڑکوں پر سفید رنگ کردیا گیا

آخر میچ میں شکست کے باوجود پاکستان نے ملائیشیا سے بہتر گول اوسط کی بنیاد پر سیمی فائنل میں جگہ بنالی، جب کہ فرانس پہلے ہی سیمی فائنل میں رسائی حاصل کرچکا تھا۔ جبکہ پاکستان اور نیوزی لینڈ کا سیمی فائنل ٹاکرا ہفتہ کو ہوگا۔