اسرائیلی جنگ غزہ میں قحط پیدا کررہی ہے؛ جوزف بوریل

اسرائیل قحط کوجنگی ہتھیار کے طور پراستعمال کررہا ہے

یورپی یونین کی خارجہ پالیسی کے سربراہ جوزف بوریل نے اسرائیل پر الزام لگایا ہے کہ وہ غزہ میں قحط پیدا کر رہا ہے اور بھوک کو جنگ کے ہتھیار کے طور پر استعمال کر رہا ہے۔ انہوں نے کہا کہ یہ ناقابلِ قبول ہے، قحط کو جنگ کے ہتھیار کے طور پر استعمال کیا جا رہا ہے اور اسرائیلی جنگ قحط کا باعث بن رہی ہے۔

جوزف بوریل نے برسلز میں غزہ کے لیے انسانی امداد کے بارے میں کانفرنس کے موقع پر کہا ہے کہ غزہ اب قحط کے دہانے پر نہیں بلکہ قحط کی حالت میں ہے، ہزاروں لوگ قحط میں مبتلا ہیں۔

دوسری جانب یورپی کمیشن کی صدر ارسلا وون ڈیر لین نے بھی غزہ میں قحط سے نمٹنے کے لیے فوری جنگ بندی کی ضرروت پر زور دیا ہے۔

واضح رہے کہ غزہ پر اسرائیلی حملے جاری ہیں، جبالیہ میں تازہ ترین اسرائیلی حملے میں 8 فلسطینی شہید ہو گئے جبکہ رفح میں اسرائیلی حملے میں کم از کم 14 فلسطینی شہید ہوئے ہیں۔

یہ بھی پڑھیں؛ جارج گیلووے ؛اپنی فتح غزہ کے نام کرنے والے

حالیہ غزہ جنگ میں اسرائیلی دہشت گردی سے اب تک 31 ہزار 726 فلسطینی شہید اور 73 ہزار 792 زخمی ہو چکے ہیں۔