حج 2024؛ دنیا بھر سے 12 لاکھ سے زائد عازمین حج سعودیہ پہنچ گئے

روڈ ٹو مکہ منصوبے کے تحت ڈھائی لاکھ سے زائد عازمین حج مکہ پہنچے۔

ریاض؛ سعودی عرب میں حج کے آغاز پر دنیا بھر سے عازمین حج سعودی عرب پہنچ رہے ہیں۔ سعودی وزیر حج وعمرہ کے مطابق اس سال 12 لاکھ سے زائد عازمین حج سعودی عرب پہنچ گئے ہیں۔ سعودی وزیر ڈاکٹر توفیق الربیع کے مطابق اس سال ڈھائی لاکھ سےزائدحجاج کرام روڈ ٹو مکہ منصوبے کےتحت پہنچے ہیں۔

 سعودی وزیرحج وعمرہ ڈاکٹر توفیق الربعیہ نے ریاض میں نے پریس کانفرنس کرتے ہوئے بتایا کہ حج کی تیاریوں کو حتمی شکل دے دی گئی ہے،دنیا بھر سے آنیوالے حجاج کو بہتر سہولیات کی فراہمی کیلئے کام کر رہے ہیں، دنیا بھر سے12لاکھ سے زائد عازمین حج سعودی عرب پہنچ چکےہیں۔

سعودی وزیرحج وعمرہ کا کہنا ہے کہ ڈھائی لاکھ سےزائدحجاج کرام روڈٹومکہ منصوبےکےتحت پہنچے ہیں، سعودی فرماں روااورولی عہدکی ہدایت پرحج انتظامات کوحتمی شکل دی ہے،وزارت داخلہ،وزارت صحت،وزارت ٹرانسپورٹ اوردیگراداروں نےانتظامات کرلیے ہیں۔

حجاج کو گرمی سے بچانے کے لیے سڑکوں پر سفید رنگ کردیا گیا

سکیورٹی کے حوالے سے بات کرتے ہوئے سعودی وزیر کا کہنا تھاکہ عازمین حج کی سکیورٹی کےلیے کہ مکہ مکرمہ کے داخلی راستوں پر سیکورٹی کو مزید سخت کر دیا گیا ہے اور غیر قانونی طور پر مکہ مکرمہ میں داخل ہونے والے افراد کو گرفتار کرکے انکے خلاف کاروائی کا عمل بھی شروع کر دیا گیا ہے عازمین حج کو ایام حج میں بہتر سے بہتر سہولیات فراہم کی جائیں گی تاکہ دنیا بھر سے آنے والے حجاج امن اور سلامتی کے ساتھ فریضہ حج ادا کر سکیں ۔