نیب افسر عمران شیخ پر چیک کی صورت میں رشوت لینے کا الزام تھا
قومی ادارہ برائے احتساب نیب نے اپنے ہی افسر کو کرپشن کے الزام میں گرفتار کرلیا ہے ۔ ڈپٹی ڈائریکٹر نیب عمران شیخ کو کرپشن میں ملوث ملزمان سے رشوت لینے کے الزام میں گرفتار کیا گیا۔ گرفتار نیب افسر عمران شیخ پر چیک کی صورت میں رشوت لینے کا الزام ہے۔
نیب افسر کئی چیک کیش بھی کروا چکا تھا، نیب نے گرفتار افسر کو اسلام آباد منتقل کرنے کے لیے ایک روزہ راہداری ریمانڈ حاصل کرلیا۔ نیب کراچی کے مطابق گرفتار ڈپٹی ڈائریکٹر نیب عمران شیخ کو پیر کو اسلام آباد منتقل کیا جائے گا۔
نیب افسر کی گرفتاری کے لیے نیب کراچی اور نیب اسلام آباد نے مشترکہ کاروائی کی ۔
Comments 2