آئی سی سی کی جانب سے ون ڈے اور ٹیسٹ رینکنگ بھی جاری کی گئی
انٹرنیشنل کرکٹ کونسل آئی سی سی نے نئی رینکنگ جاری کی ہے ۔نئی ٹیسٹ پلئیرز رینکنگ میں نیوزی لینڈ کے کین ولیمسن پہلی پوزیشن ، انگلینڈ کے جو روٹ کا دوسرا نمبر برقرار ہے،پاکستان کے بابر اعظم دو درجے ترقی کے بعد تیسرے نمبر پر آ گئے۔
جبکہ نیوزی لینڈ کےڈیرل میچل ایک درجےترقی کےبعد چوتھے پرنمبر پرآگئے،آسٹریلیا کے اسٹیو اسمتھ دو درجے تنزلی کےبعد پانچویں نمبر پرآگئے،بھارت کےروہت شرما پانچ درجےترقی کے بعد چھٹے نمبر پر پہنچ گئے،بھارت کے یشسی جیسوال دو درجے ترقی کےبعد 8 واں نمبرحاصل کرپائے ۔
آئی سی سی کی ٹی ٹونٹی اور ون ڈے رینکنگ کے مطابق ون ڈے رینکنگ میں بیٹرز پوزیشن میں بابراعظم پہلے نمبر پر برقرار ہیں۔جبکہ ون ڈے باؤلرز میں ساوتھ افریقہ کے کیشیو مہاراج پہلی پوزیشن پر موجود ہیں، پاکستان کے شاہین آفریدی ساتویں سے چھٹے نمبر پرآگئے،ون ڈے آل راؤنڈرز میں افغانستان کے محمد نبی کی پہلی پوزیشن برقرار ہے۔
اسی طرح ٹی ٹوئنٹی رینکنگ کے مطابق بیٹرز میں سوریا کمار یادیو پہلےنمبر پرموجود ہیں،محمد رضوان کا تیسرا اور بابر اعظم کا چوتھا نمبر ہے، جبکہ ٹی ٹونٹی بالروں میں انگلینڈ کے عادل رشید کا پہلا نمبر ہے،ٹی ٹونٹی آل راؤنڈرز میں بنگلہ دیش کے شکیب الحسن پہلے نمبر پر موجود ہیں۔