انڈونیشیا؛ لاپتہ خاتون کی لاش اژدھے کے پیٹ سے برآمد

اژدھے نے 55 سالہ عورت کو مار کر لاش سالم نگل لی تھی

جکارتہ؛ انڈونیشیا میں ایک انوکھا واقعہ پیش آیا ہے کہ اژدھے نے خاتون کو قتل کرکے اس کی لاش کو سالم نگل لیا۔ انڈونیشیا کے ساحلی قصبے کی فریدہ نامی خاتون اپنے گاؤں سے قریبی مارکیٹ میں گئی تو پھر واپس نہ آئی۔ خاتون کے 55 سالہ شوہر نے اہلیہ کے گھر نہ لوٹنے پر رات کو گاؤں والوں کو اطلاع دی جس کے بعد لوگوں نے خاتون کو ڈھونڈنا شروع کیا۔

اگلے دن ایک اژدھے کو پھولے ہوئے پیٹ کے ساتھ دیکھا گیا تو لوگوں کو شک ہوا۔ لوگوں کا شک مزید اس وقت پختہ ہوگیا جب اژدھا کے قریب سے انہیں فریدہ کی اشیاء بھی ملی۔

لوگوں نے 20 فٹ لمبے اژدھا کو پکڑ کر اسکا پیٹ کاٹنا شروع کیا تو تو خاتون کی لاش کا سربرآمد ہوا۔ جس کے بعد مکمل پیٹ کاٹنے کے بعد خاتون کی پوری لاش برآمد کرلی گئی۔

شمالی کوریا کا جنوبی کوریا پر منفرد حملہ ؛ کچرے کے 600 غبارے گرادیے

خاتون کی لاش کو اژدھے کے پیٹ سے نکال کر میڈیکل رپورٹ کے بعد آخری رسومات کے لیے لواحقین کے حوالے کردیا گیا ہے۔

میڈیکل رپورٹ میں یہ بات سامنے آئی کہ اژدھے نے خاتون کو پاؤں پر دانت گاڑھ کر قابو کیا اور بعدازاں پورے جسم کو لپیٹ کر اسکا سانس بند کردیا۔ سانس بند ہونے سے انتقال کرنے کے بعد اسکی لاش کو نگل گیا تھا۔