سابق امریکی صدر ڈونلڈ ٹرمپ پر انتخابی ریلی پر فائرنگ کرنے والے حملہ آور کا تعلق پینسلوینیا سے ہے
نیویارک؛ سابق امریکی صدر ڈونلڈ ٹرمپ پر حملہ کرنے والے کی شناخت امریکی تحقیقاتی اداے فیڈرل بیورو آف انوسٹی گیشن (ایف بی آئی) نے جاری کردی ہیں۔ ایف بی آئی کے مطابق سابق صدر پر حملہ کرنےوالے شخص کی عمر 20 سال ہے ، اور وہ پینسلوینیا کے علاقے بیتھل پارک کا رہائشی ہے۔
میڈیا کے مطابق ایف بی آئی پیٹس برگ فیلڈ آفس کے انچارج ایجنٹ کیون راجک نے پریس کانفرنس کے دوران بتایا کہ ہفتہ کی شام کو سابق صدر ڈونلڈ ٹرمپ پر ہونے والا حملہ قاتلانہ حملہ تھا۔
ایف بی آئی کے مطابق یہ حملہ ابھی بھی ایک متحرک کرائم سین ہے۔ جبکہ صدر پر حملہ کرنے والے نوجوان کا نام میتھیو کروکس ہے اور اس کی عمر 20 برس ہے، اور وہ پینسلوینیا کے علاقے بیتھل پارک کا رہائشی ہے۔
خبررساں ادارے ایسوسی ایٹڈ پریس کے مطابق ریاست پینسلوینیا کے شہر بٹلر میں جب سابق صدر ٹرمپ نے ایک انتخابی ریلی سے اپنا خطاب شروع کیا تو فائرنگ ہوگئی ، حملہ آور نے ریلی کے قریب ایک بلند جگہ سے فائرنگ کی۔ اس فائرنگ میں سابق صدر ٹرمپ زخمی ہوگئے جبکہ ریلی میں شریک ایک شخص ہلاک اور دو شدید زخمی ہو گئے۔
سابق صدر ٹرمپ نے اس سے قبل اپنے اُوپر ہونے والے حملے کو قاتلانہ حملہ قرار دیتے ہوئے کہا تھا کہ ریلی کے دوران ایک گولی ان کے دائیں کان کو چھو کر گزر گئی تھی۔
دوسری جانب صدر بائیڈن نے اپنے بیان میں کہا کہ "مجھے یہ سن کر خوشی ہوئی ہے کہ وہ (ڈونلڈ ٹرمپ) محفوظ ہیں اور بہتر محسوس کر رہے ہیں۔”
سابق امریکی صدر ڈونلڈ ٹرمپ پر قاتلانہ حملہ میں زخمی ہوگئے
سابق صدر پر فائرنگ کے حوالے سے صدر جوبائیڈن نے بات کرتے ہوئے کہا کہ میں ان کے لیے اور ان کے خاندان کے لیے اور ان سب کے لیے دعا گو ہوں جو ریلی میں تھے۔ جل اور میں سیکرٹ سروس کے شکر گزار ہیں کہ وہ انہیں بحفاظت لے گئے۔ اس طرح کے تشدد کی امریکہ میں کوئی جگہ نہیں۔ ہمیں ایک قوم کی طرح اس کی مذمت کرنی چاہیے۔”
سابق صدر بش اور صدر اوباما سمیت امریکی لیڈروں سمیت کئی عالمی رہنماؤں نے سابق امریکی صدر ڈونلڈ ٹرمپ پر قاتلانہ حملے کی مزمت کی۔
Comments 1