کور کمانڈرز کانفرنس میں کہا گیا کہ سیاسی مقاصد کےلئے بیرونی سہولتکاروں کی مدد سے ڈیجیٹل دہشتگردی کی جارہی ہے
پاکستان فوج کی 83 کورکمانڈرز کانفرنس آرمی چیف جنرل عاصم منیر کی زیر صدارت ہوئی۔ کانفرنس میں کور کمانڈرز، پرنسپل اسٹاف آفیسرز، پاک فوج کے فارمیشن کمانڈرز نے شرکت کی۔ ترجمان پاک فوج کے مطابق کانفرنس میں شہداء کے ایصال وثواب کے لئے فاتحہ خوانی کی گئی، ملک کی حفاظت، سلامتی اور خودمختاری کیلئے مسلح افواج کے افسران کی قربانیوں کو خراج عقیدت پیش کیا گیا۔
پاک فوج کے شعبہ تعلقات عامہ (آئی ایس پی آر) کے مطابق کور کمانڈرز کے مطابق ملک میں سیاسی مقاصد کےلئے بیرونی سہولتکاروں کی مدد سے ڈیجیٹل دہشتگردی کی جارہی ہے۔ ڈیجیٹل دہشتگردی کامقصد اداروں بالخصوص افواج اور عوام میں خلیج ڈالنا ہے۔
فورم کے مطابق ریاستی اداروں بالخصوص افواج کیخلاف ڈیجیٹل دہشت گردی کاسلسلہ جاری ہے، سیاسی مقاصد کے لئے بیرونی سہولتکاروں کی مدد سے ڈیجیٹل دہشتگردی کی جارہی ہے۔ ڈیجیٹل دہشتگردی کا مقصد جھوٹ اور پروپیگنڈا سے قوم میں مایوسی پیدا کرنا اور اداروں بالخصوص افواج اور عوام میں خلیج ڈالنا ہے۔
آئی ایس پی آر کے مطابق پاکستانی قوم جھوٹ اور پروپیگنڈا کرنے والوں کے مذموم اور مکروہ عزائم سے پوری طرح باخبر ہے اور اِن ناپاک قوتوں کے مذموم ارادوں کو مکمل اور یقینی شکست دی جائے گی۔ کانفرنس کے اعلامیے کے مطابق ملک میں قانون کی عمل داری کو قائم کرنے اور 9 مئی کے مجرمان کے خلاف فوری اور شفاف عدالتی اور قانونی کارروائی کے بغیر ملک ایسے سازشی عناصر کے ہاتھوں ہمیشہ یرغمال رہے گا۔
ترجمان پاک فوج کے مطابق فورم نے افغان سرحد سے خلاف ورزیوں، دہشت گردوں کی جانب سے افغان سرزمین استعمال کرتے ہوئے دہشتگردی پرتحفظات کا اظہار کیا۔ فورم نے کہا کہ دشمن پاکستان کے اندر فورسز، معصوم شہریوں کو نشانہ بنانے کیلئے افغانستان کو استعمال کر رہے ہیں۔
فورم نے فلسطینی عوام کے ساتھ مکمل یکجہتی کا اظہار کرتے ہوئے غزہ میں انسانی حقوق کی سنگین خلاف ورزیوں اور جنگی جرائم کی مذمت کی اور غزہ پٹی کے اندر رفح آپریشن اور دیگر تمام آپریشنز کو روکنے کیلئے عالمی عدالت انصاف کے فیصلے کی حمایت کی۔
فورم نے فلسطینی عوام کے ساتھ مکمل یکجہتی کا اظہار کرتے ہوئے غزہ میں انسانی حقوق کی سنگین خلاف ورزیوں اور جنگی جرائم کی مذمت کی اور غزہ پٹی کے اندر رفح آپریشن اور دیگر تمام آپریشنز کو روکنے کیلئے عالمی عدالت انصاف کے فیصلے کی حمایت کی۔
سکیورٹی فورسز نے ایک ماہ میں 29 افغان دہشتگردوں کو ہلاک کیا
ترجمان پاک فوج کے مطابق شرکاء نے پائیدار اقتصادی ترقی اور غیر قانونی سرگرمیوں بشمول اسمگلنگ، ذخیرہ اندوزی، بجلی چوری کو روکنے، وَن ڈاکومنٹ رجیم، غیر قانونی غیر ملکی تارکین کی باعزت وطن واپسی سمیت قومی ڈیٹا بیس کی حفاظت کیلئے مختلف شعبوں میں حکومت کے اقدامات کی مکمل حمایت کرنے کے عزم کا اعادہ کیا۔
ترجمان پاک فوج کے مطابق کانفرنس میں شہداء کے ایصال وثواب کے لئے فاتحہ خوانی کی گئی، ملک کی حفاظت، سلامتی اور خودمختاری کیلئے مسلح افواج کے افسران کی قربانیوں کو خراج عقیدت پیش کیا گیا۔
