موسمیاتی تبدیلیوں کا سامنا کرتا برازیل شدید مشکلات کا شکار ہے
برازیل میں شدید بارشوں اور سیلاب کا سلسلہ تاحال جاری ہے۔ جنوبی برازیل میں دن بدن نقصان اور تباہی میں اضافہ ہوتا جارہا ہے۔ شدید بارشوں اور سیلاب سے اب تک 136 افراد ہلاک ہوچکے ہیں جبکہ لاکھوں لوگ بے گھر ہوگئے ہیں۔ نشریاتی ادارے اے ایف پی کے مطابق سیلاب سے متاثر ہونے والے 20 لاکھ سے زیادہ لوگوں میں سے 5 لاکھ 37 ہزار سے زائد افراد نکل مکانی کرنے پر مجبور ہیں اور 81 ہزار پناہ گاہوں میں مقیم ہیں۔
مقامی سول ڈیفنس ایجنسی کے مطابق گزشتہ ہفتے ہونے والی شدید بارشوں کی وجہ سے ندیوں میں شدید ظغیانی کے باعث ہلاک ہونے والوں کے ساتھ ساتھ 806 افراد زخمی ہوئے جبکہ 125 افراد لاپتہ ہیں۔
جنوبی برازیل کی ریاست ریو گرانڈے اس وقت شدید بارشوں جبکہ ابھی اتوار اور پیر کے درمیان بارشیں سب سے زیادہ ہونے کی توقع ہے۔ صورتحال کو دیکھتے ہوئے ریاستی حکام مزید بڑھتے ہوئے پانی اور لینڈ سلائیڈنگ کے خطرے سے خبردار کر رہے ہیں۔ جبکہ رہائیشیوں کو بھی کو سیلاب زدہ علاقوں سے دور رہنے کے لیے بھی کہا گیا ہے تاکہ بجلی کی تاریں گرنے سے بجلی کا کرنٹ لگنے کا خطرہ دور کیا جاسکے۔
وفاقی حکومت نے اس ہفتے بدترین ماحولیاتی تبدیلی کا سامنے کرنے والے ریو گرانڈے ڈو سول میں تعمیر نو کے لیے تقریباً 10 ارب ڈالر دینے کا وعدہ کیا تھا۔
کینیا؛ سیلاب کے باعث 228 افراد ہلاک ،ہزاروں بے گھر ہوگئے
یاد رہے کہ اس سال برازیل شدید موسمیاتی تبدیلیوں کا شکار رہا ہے ۔ برازیل تاریخی سیلاب، ریکارڈ توڑ جنگلات کی آگ، بے مثال گرمی کی لہروں اور خشک سالی کی زد میں رہا ہے۔
اقوام متحدہ کے ماہرین اور برازیل حکومت نے تمام کا ذمہ دار موسمیاتی تبدیلیوں کو قرار دیا ہے کہ ان حالات کی ذمہ دار وقوع پذیر ہونے والی موسمیاتی تبدیلیاں ہیں۔
